02.04.2015   17:30 

Тоо, суу, таш жана табигаттын не бир керемет сырларына сыйынып, жаратылыш кубулуштары менен кошо жашап келген ата-бабаларыбыздын муундан муунга сактап келген жакшы салттарынын бири жаз келип, көктөм чыкканда Сүмөлөк кайнатып, теңирден мол түшүм, береке, кут, ырыскыны тилешет. Ушул жылдын ынтымакка ширелген берекелүү жыл болуусун суранышат.

21.03.2015  10.23

“Эрайым” аялдар коомдук бирикмесинин жаңы жылдагы жаңы долбоорунун көч башында “Достук” мектеп радиосу болуп калды. Аталган долбоорду Кыргыз Өкмөтүнө караштуу Жергиликтүү өз алдынча башкаруу жана этностор аралык мамилелерди чыңдоо боюнча мамлекеттик агенттиги колдогон. Бул агенттиктин 2013-2017-жылдарга карата Кыргызстанда элдин биримдигин жана этностор аралык мамилелерди бекемдөө багытындагы чакан грант берүү программасы ишке ашырыла баштаган эле. Андыктан “Эрайым” аялдар коомдук бирикмеси тарабынан бул агенттикке жаңы долбоор сунушталып, ал кыска аралыкта колдоо тапты.

Үстүбүздөгү жылдын 3-7-февралдарында “Бейиште эки орун бар: бирөө жакшы кайнене үчүн, бирөө жакшы келин үчүн” деген темадагы көнүгүм Ош жана Жалалабад дубандарындагы өз жардам топторунун мүчөлөрүнө Талас дубанын ӨЖТ координатору Кулбачаева Анипа тарабынан өткөрүлдү.

Кыргыз эли кылымдан бери кайнене-келин ортосундагы сууга салса чөкпөгөн, төксө төгүлбөгөн, урса бузулбас, көзгө көрүнбөгөн тосмо турарын билбейбиз. Бейиште эки орун бар: бирөө жакшы кайнене үчүн, бирөө жакшы келин үчүн» - деп Чыгыш макалында айтылган. Биздин кыргыз элинин макалы «Келини жакшы болсо, келген жердин баары чыгат» - деп айтылган кайнене - келин жөнүндө бир топ макал бар. Биздин салт боюнча КЕЛИН болуп жоолук салынгандан баштап, кайнене, кайындарынын оту менен кирип, күлү менен чыгыш керек деген түшүнүк бар. Ал тургай ал үйдө боз балдар, же секелек кыз болсо, бош болсо да үй жумуштарын кылбаш керек. Себеби келинге тиешелүү деп билишет. Көбүнчө жаңы түтүн булаткан жаңы жаш үй-бүлөлөрдө кайнене келиндин тиреши орун алат. Себеби келин “современныймын” деп баш бербейт, кайнене кайненелик милдеттин аткарып башкарам менен алек болот.

Көнүгүмдө кайнененин жакшы жана терс сапаттары каралып чыкты, ошондой эле келиндин жакшы жана терс сапаттары аныкталды. Келиндерге тиешелүү болгон кыргыздын төмөндөгү макалдары көнүгүмдө каралды:

• “Келинди келген жылы эмес, келерки жылы сына”
• “Келиндин чырайы болгуча – ЧЫНАРЫ болсун”
• “Жакшы келин келсе – берди куда, жаман келин келсе – урду куда”
• “Септүү болгуча – эптүү келин бол”
• “Эрди-эр кылган – катын, эрди- жер кылган катын”
• “Эркектин көгү – эр болот, катындын көгү - кара жер менен тең болот”
• Өтө кызыл бат оңот, өпкө кызыл кеч оңот.
• Кайсы элдин жүдөө көрүнсө зайбы, ошол элдин уулуна кой айыпты.

Ошондой эле кайнененин түрлөрүн да талдалды:

• Кожейке кайынэне.
• Ооздукталбаган кайынэне.
• Момун кайынэне.

Көнүгүмдүндө келечектеги кайненелерге насаат айтылды, кайненелер болсо өз тарабына пикир угуштуу.

Алтынай Сабырбекова  

18.02.2015   12:05

2015-жылдын 12-13-февралдарында “Эрайым” аялдар коомдук бирикмеси тарабынан ишке ашырылып жаткан “Достук” мектеп радиосу долбоорунун алкагында тендердин негизинде "Information Systems & Solutions" ("Информэйшн Системс энд Солюшнс") жоопкерчилиги чектелген коому жана Рузиева Е.Д. жеке ишкери тарабынан сатылып алынган радио-жабдыктар Ош дубанындагы, Карасуу районуна караштуу Шарк айыл аймагындагы №16-Абу Али Ибн Сина атындагы орто мектеби менен Кызыл-Кыштак айыл аймагындагы № 117-Камил Маткеримов атындагы орто мектебине жана Жалал-Абад дубанындагы, Жалалабат шаарынын Чынгыз Айтматов атындагы муниципалдык башкаруусуна караштуу №7 -Алым Усман атындагы орто мектебине ошондой эле Базаркоргон районунундагы Жоомарт Боконбаев атындагы гимназия жатак-мектеби менен №30-Өлмаскан Атабекова атындагы орто мектебине өткөрүлүп берилди.

17.02.2015   22.24

Кыргыз Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча Мамлекеттик агенттигинин колдоосунда “Эрайым” аялдар коомдук бирикмеси тарабынан ишке ашырыла баштаган “Достук мектеп радиосу” долбоору Жалал-Абад областынын Базар-Коргон районуна караштуу Жоомарт Бөкөмбаев атындагы мектеп гимназиясында, Ө.Атабекова атындагы №30 орто мектепте, Жалал-Абад шаарындагы №7-орто мектебинде, Ош областынын Кара-Суу районундагы К.Маткеримов жана Абу Али Ибн Сино атындагы орто мектептерде ишке ашырылмакчы.

17.02.2015   19:05

Базар-Коргон районундагы Акман айыл аймагына караштуу чек ара аймагына кирген Дөң маале айылындагы эски мектептин имаратын оңдоп-түздөшүп, “Раяна” деп аталган “Эне мектебин” ачышты.

30.01.2015  15:08

Ошентип мүнөт саатка, саат күнгө, күн болсо айга айланып, убакыт билинбей зымырап өтүп, жыл да соңуна чыгып калды. Ушул жылдын башында “Эрайым” аялдар коомдук бирикмеси тарабынан ишке ашырылып, Германиянын “Дүйнөгө нан” эл аралык уюму колдоого алган “Салттык жана заманбап усулдарды колдонуу аркылуу Түштүк жергесинде достукту жана биримдикти чыңдоо” долбоору башталган эле. Бир жыл аралыгында долбоордун алкагында кандай жумуштар аткарылды, жаңы жылда эмне жумуштар болот жана алдыга койгон максаттар кандай деген суроону коюп, аталган уюм иштин бир жылдыгынын жыйынтыгын чыгарды. Ал Бишкек шаарындагы №84-Ар-Өргө орто мектебинде өттү. Жыйындын күн тартибине бир гана маселе коюлду. Ал “Эрайым” аялдар коомдук бирикмесинин 2014-жыл ичиндеги аткарган ишинин жыйынтыгын чыгаруу, Өз жардам топторунун иш аракети жана жаңы жылга карата аткарыла турган иш мерчемдер”.

22.12.2014  17:51

Үстүбүздөгү жылдын 15-16-17-декабрларында Эрайым уюму тарабынан Бишкек шаарында региондордогу өж жардам топторунун (ӨЖТ) мүчөлөру үчүн уюштурулган “Күнөсканада жашылча жана жемиштерди өстүрүү” темасында окуу-көнүгүм болуп өттү.

05.11.2014 13:07

2014-жылдын 31-октябрында Шарк айылдык аймагындагы Падаван айылынын Абу Али Ибн Сина атындагы №16-мектебинде Спорт аянтчасынын ачылышы болуп өттү. Спорт аянтчасынын ачылышы БУУнун Өнүгүү Программасы тарабынан колдоого алынган “Жаштар тынчтыкты  каалайт” долбоорунун алкагында каржыланды.

05.11.2014, 12:25

2014-жылдын 29-октябрында Кызыл-Кыштак айыл аймагындагы Ишкаван айылынын К. Маткеримов атындагы №117-мектебинде “Алтын күз” жарманкеси болуп өттү.