30.07.2014

“Эрайым” аялдар коомдук бирикмеси 2000-жылдан бери өздөрүнүн максаттуу топторунун жана аз камсыз болгон үй-бүлөнүн балдарынын англис тилин өздөштүрүүсүнө терең көңүл буруп келишүүдө. Эң алгачкы жылдары жай мезгилинде жергиликтүү англис тилчи мугалимдер аркылуу балдарга англис тилин үйрөтүшсө, бара-бара англичандардын өздөрүнө байланышка чыгууга жетишишти.

16.07.2014 12:05

Кыргызстандын айыл жергелериндеги жана Бишкек шаарынын жаңы конуштарындагы «Эрайым» аялдар коомдук бирикмесинин керектөөчүлөрүнүн балдарына англис тили боюнча жайкы мектептерди өткөрүү үчүн, ошондой эле айылдык мектептердин англис тил мугалимдерине англис тилин окутуунун ыкмаларын жакшыртуу курстарын уюштуруу максатында Улуу Британиядан чет элдик ыктыярчылар дагы бир жолу келишти.

Үстүбүздөгү жылдын 16-17-июндарында Ош жана Жалал-Абад шаарларында «Brot fur die Welt» (Дүйнөгө нан) эл аралык уюму тарабынан колдоого алынган "Салттык жана заманбап усулдарды колдонуу аркылуу түштүк жергесинде достукту жана биримдикти чыңдоо" долбоорунун алкагында «Эрайым» АКБнын түштүк региондорунда түзгөн өз жардам топторунун мүчөлөрү үчүн “Энелер мектеби” темасындагы көнүгүм болуп өттү. Аталган көнүгүм “Энелер мектеби” программасынын соавтору Д. Майгулакова тарабынан өткөрүлдү.

09.05.2014

2014-жылдын 4-6-майларында "Эрайым"Аялдар Коомдук Бирикмесинин Германиялык Brot fur die Welt (Дүйнөгө нан) эл аралык уюму колдоого алган "Салттык жана заманбап усулдарды колдонуу аркылуу түштүк жергесинде достукту жана биримдикти чыңдоо" долбоорун бейлөө (мониторинг) жүргүзгөнү уюмдун Азия-Тынч океан регионун жана жакынкы чыгыш бөлүмүнүн жетекчиси Ульрих Г. Гундерт (Ulrich H. Gundert) жетектеген топ келишти.

"Эрайым" аялдар коомдук бирикмеси “Өз жардам” концепциясын Кыргызстандын региондорунда кенен  жайылтып жаткан уюмдардын бири болуп саналат. Ушул кезге чейин уюм тарабынан Чоң-Сары-Ой айыл аймагындагы Өрнөк, Сары-Ой, Бает айылдарында 32 өз жардам тобу (ӨЖТ) түзүлүп, топ мүчөлөрү жигердентүүгө багытталган ар тараптуу окуу-көнүгүмдөрдү (тренинг), кеп-кеңештерди алып келишүүдө. 

“ЭРАЙЫМ” аялдар коомдук бирикмеси тарабынан жүзөгө ашырылып жаткан Германиянын “Бүт дүйнөгө нан” эл аралык уюму колдогон «Салттык жана заманбап усулдарды айкалыштырып колдонуу аркылуу Кыргызстандын түштүк жергесинде достукту жана биримдикти чыңдоо» долбоорунун бет ачаар аземи Базар-Коргон районунун администрациясынын кичи залында болуп өттү. Ага райондук администрациясынын Базар-Коргон жана Акман айыл округдарынын коомчулуктары катышты. Бет ачаар аземди “Эрайым” аялдар коомдук бирикмесинин төрайымы Ракыя Жусупова, долбоордун координатору Гулнара Нурматова, долбоордун эксперти Абдылас Кошунбаевдер долбоор тууралуу кеңири маалымат беришти. Алардын айтымында долбоор 2014-жылдын 1-январынан 2016-жылдын декабрына чейин Ош областынын Кара-Суу районундагы Мады, Кызыл-Кыштак жана Шарк айыл округдарында, Жалал-Абад областынын Базар-Коргон районундагы Базар-Коргон жана Акман айыл округдарында ошондой эле Жалал-Абад шаарындагы Ч.Айтматов аймактык башкаруусунда ишке ашырылат. Элдин социалдык абалын жакшыртуу, ынтымакты, достукту чыңдоо багытындагы жаңы долбоорду базаркоргондуктар колдой тургандыктарын билдиришти жана өз активдүүлүктөрүн көрсөтө тургандыктарын убада кылышты.

Бактыкан Ажымаматова