16.05.2020  12:15

Кыргызстандагы азыркы кырдаал демейки жашоону түп тамырынан өзгөрттү. Кыргызстанда калктын калың катмары каржылык, психологиялык жана экономикалык жактан катаал кыйынчылыктарга дуушар болууда. Ушундай кыйынчылык күндөрү “Эрайым” уюмунун дагы бир өнөктөшү, дүйнөлүк жакырчылыкты жоюу багытында иш жүргүзгөн Австриялык “ICEP” (Долбоорлорду өнүктүрүү боюнча кызматташтык Институту) эл аралык бейөкмөт уюму жардамга кол сунду. 

11.05.2020   21:34

Азыркы кырдаалдан улам, мектептерде сабак токтоп турат. Антсе да, "Эрайым" АКБнин Жалал-Абад облусундагы өкүлчүлүгүнүн тобу жумуштарын токтотушкан жок. Долбоор боюнча иштеп жаткан ийримдер аралыктан сабактарын графиктен калышпай, жүргүзүп келишти. Мында англис тил ийриминин ийгилиги тууралуу айтпай коюуга болбойт.

04.05.2020  11:48

Ош облусунун Кара-Суу районундагы Шарк, Мады, Кызыл-Кыштак айыл аймактарында психологиялык жана юридикалык кеңештер азыркы кырдаалдан улам аралыктан телефон жана WhatsApp аркылуу жүргүзүлүп жатат.

04.05.2020  10:52

"Эрайым"аялдар коомдук бирикмеси тарабынан ишке ашырылып жаткан "Салттык жана заманбап усулдарды колдонуу аркылуу Кыргызстандын түштүгүндө элдердин достугун жана ынтымагын бекемдөө" долбоору боюнча Жалал-Абад облусундагы долбоорго кирген мектептерде уюшулган этноансамбль ийрими азыркы кырдаалга байланыштуу аралыктан сабак өтүүнү улантып жатат.

25.04.2020  18:49

Өлкөдөгү акыркы кырдаалдан улам карантиндин талаптарын аткаруу менен "Эрайым" аялдар коомдук бирикмесинин Жалал-Абад облусундагы кызматкерлери өз милдеттерин аралыктан туруп жүргүзүүнү улантып жатышат. Долбоордун юристи Гулнара Ташиева карантин башталгандан бери жети адам менен аралыктан иш алып барган.

24.04.2020   14:26

"Эрайым" аялдар коомдук бирикмеси ишке ашырып жаткан долбоордун алкагында Базар-Коргон районундагы Акман жана Базар-Коргон айыл аймактарындагы эне мектептери азыркы кырдаалдагы карантин учурунда аралыктан окутууну улантып жатышат. 

23.04.2020  15:03

"Эрайым" аялдар коомдук бирикмесинин Жалал-Абад облусундагы жамааты азыркы кырдаалдан улам жумуштарын Zoom байланышы аркылуу жүргүзүп жатышат. Карантинден улам сыртка чыгуу мүмкүн болбогондуктан, ар бири өз үйлөрүндө, өз милдеттерин буга чейин аткарып келишкен. Мына ошол жумуштар, дагы алдыда турган иш багыттар боюнча жумушчу топ кезектеги жыйынын өткөрдү.

20.04.2020   18:00

"Эрайым" аялдар коомдук бирикмеси тарабынан ишке ашырылып жаткан "Салттык жана заманбап усулдарды айкалыштырып колдонуу аркылуу Кыргызстандын түштүгүндө элдердин достугун жана ынтымагын бекемдөө" долбоору боюнча Жалал-Абад облусундагы долбоорго кирген мектептерде англис тили ийримин жетектеп жаткан Айсулуу Орозова азыркы COVID-19 коронавирусуна байланышкан кырдаалга карап, окуучуларына онлайн сабагын өтүп​ жатат. Анын айтымында ал сабакты 30-марттан баштаган. Окуучуларын үч тайпага бөлүп алып жүргүзөт. Адегенде ал видеосабак түзүп чыгып, ар бир окуучуга WhatsApp колдонмосу аркылуу жиберет. Балдар ал видеосабак менен таанышкандан кийин, видеобайланышка чыгып, ар бири менен байланышат. Андан кийин тапшырма берет. Кийинки сабакта жооп алат. Баарлашуу да суроо-жооп иретинде жүрөт. "Кырдаалга карап, карантиндин аякташын күтүп олтура берсек, балдар буга чейинки үйрөнгөндөрүн унутуп калышат. Экинчиден, программадан да арта калабыз. Ошондуктан сабакты үзгүлтүккө учураткан жокмун" дейт, А.Орозова.

Ушундай эле онлайн сабактар “Эрайым” уюмунун Кара-Суу районундагы долбоор аймактарында дагы жүргүзүлүп жатат. Өзүнүн биринчи онлайн сабагын долбоордун Кара-Суу району боюнча Англис тил ийриминин жетекчиси Элиза Алмазбекова дагы өткөрдү. 

Бактыкан Ажымаматова, Жалал-Абад облусу

17.04.2020  19:30

Өлкөдөгү эпидемиологиялык кырдаалга байланыштуу Германиянын “Дүйнөгө Нан” эл аралык уюму колдоого алган “Эрайым” АКБнин “Салттык жана заманбап усулдарды айкалыштырып колдонуу аркылуу Кыргызстандын түштүгүндө элдердин достугун жана ынтымагын бекемдөө” долбоорунун Кара-Суу районундагы кызматкерлери өз иштерин убактылуу онлайн режимде улантууда. 

15.04.2020  19:43

COVID-19 коронавирусу өлкөдө жайылгандан бери вирустан коргонуучу беткаптар өлкөнүн дарыканаларында таңкыс болуп келүүдө. Мындай апат күндөрү аярлуу үй-бүлөлөр көбүрөөк кыйынчылыка дуушар болууда. Базар-Коргон районундагы Акман жана Базар-Коргон айыл аймактарында жашаган аярлуу топторго беткап жана антисептиктер таркатылды.