01.02.2017   21:55

“Эрайым” аялдар коомдук бирикмеси Германиянын “Дүйнөгө нан” (Brot für die Welt) эл аралык уюму тарабынан колдоого алынган “Салттык жана заманбап усулдарды айкалыштырып колдонуу аркылуу Кыргызстандын түштүгүндө элдердин достугун, ынтымагын жана биримдигин бекемдөө” долбоорунун алкагында
"ЛИДЕРЛИК КЛУБДУН ЖЕТЕКЧИСИ"
кызмат ордуна сынак жарыялайт.

  • Лидерлик клубдун жетекчиси (2 бирдик - Ош жана Жалал-Абад дубандарына 1 орундан)

КВАЛИФИКАЦИЯЛЫК ТАЛАПТАР:

Кесиптик билиминин деңгээли:

  • башкаруу жана башка тармактарда жогорку билими бар.

Иш стажы жана тажрыйбасы:

  • адистиги боюнча иш стажы кеминде 5 жыл, анын ичинде мектеп жашындагы балдар менен иштөөдөгү стажы кеминде 2 жыл.
  • бейөкмөт уюмдардын долбоорлорунда кеминде 2 жыл иш тажрыйбасы бар болуусу шарт.

Билими:

  • өзүнө тиешелүү тармактагы мыйзамдарды билүүсү;
  • кызматтык милдеттерин аткаруу үчүн зарыл болгон көлөмдө мамлекеттик, расмий жана өзбек тилдерин билүүсү жана түшүнүүсү;
  • компьютерди колдонуучунун деңгээлинде билүүсү (MS Word, Excel, PowerPoint программалары жана Интернет);
  • лидерликке шыктандыруучу көнүгүмдөрдү өтүү тажрыйбасы.

Жалпы милдеттер:

  • маалыматты жыйноо, талдоо, системалоо жана жалпылоо;
  • ишти натыйжалуу пландоо;
  • аналитикалык иш кагаздарды иштөө жана талдоо;
  • кесиптештери менен натыйжалуу кызматташуу;
  • жоопчотторду аналитикалык таризде жазуу жана тапшыруу.

КЫЗМАТТЫК МИЛДЕТТЕРИ:

  • ийримге келген балдар өз жардам топторунун (БӨЖТ) мүчөлөрүнүн лидерлик сапатынын алгачкы деңгээлин аныктап анализдөө;
  • алынган анализдин негизинде БӨЖТ мүчөлөрүнүн лидерлик сапаттарын (маданияттуу жүрүм-турум, абалды анализдеп чечим кабыл алуу, өзүн-өзү башкара билүү, өз оюн туура түшүндүрүү, бирөөлөрдүн көйгөйүн уга билүү, чечендик чеберчиликке жетүү ж.б.) өнүктүрүүгө багытталган иш-план иштеп чыгуу;
  • иш-планды этнопедогогиканын элементтерин жана заманбап ыкмаларды киргизүү менен түзүү;
  • лидерликти өнүктүрүү боюнча дебат, дискуссия, ролдоштурулган оюндарды уюштуруу;
  • ийримдин катышуучулары менен бирдикте достук, ынтымак, биримдикти чыңдоого багытталган иш-чараларды уюштуруу;
  • ийримдин мүчөлөрүнүн ата-энелери, класс жетекчилери менен тыгыз байланышта болуп, балдардын таалим-тарбиясын позитивдүү жакка буруу үчүн жалпы аракеттерди жасоо;
  • ийримге катышкан балдардын мектептеги жетишкендиктерине, чөйрөдө, үйдө өзүн алып жүрүүсүнө көзөмөл жасоо;
  • ийримдин балдарынын укуктарын тебелеп, басмырлабоо жана аларды өз ойун эркин, маданияттуу айтканга багыттоо;
  • ийримдин мүчөлөрүнүн ата-энелери, класс жетекчилери менен тыгыз байланышта болуп балдардын таалим тарбиясын позитивдүү жакка буруу үчүн жалпы аракеттерди жасоо;
  • ар жылда ийримдин жыйынтыктары боюнча ата-энелерге отчеттук иш-чара уюштуруу;
  • ар бир алты айда Программалык Менеджерге аткарган иштери боюнча жоопчотторду тапшыруу;
  • иш жараянында бекитилген тартипти, этикалык ченемдерди жана корпоративдик маданиятты сактоо.

ТАЛАП КЫЛЫНУУЧУ ИШ КАГАЗДАР:

  • резюме сүрөтү менен (кыргыз же орус тилдеринде);
  • коштомо кат (кыргыз же орус тилдеринде);
  • жогорку билими тууралуу документтин көчүрмөсү (диплом);
  • паспорттун көчүрмөсү;
  • квалификациясын жогорулатуу боюнча иш кагаздары (сертификат), баа пикирлер жана сунуштамалар колдоого алынат.

Сынакка катышуу үчүн талап кылынган документтерди “ЛИДЕРЛИК КЛУБДУН ЖЕТЕКЧИСИНЕ” деген темада Ош дубаны үчүн: 715363, Кара-Суу районунун Шарк айылынын Кош-Таш көчөсүндөгү №16 Абу Али Ибн Сино орто мектебине “Эрайым” уюмунун кеңсесине же This email address is being protected from spambots. You need JavaScript enabled to view it. электрондук дарегине электрондук таризде, ал эми Жалал-Абад дубаны үчүн: 720800, Базар-Коргон району, Базар-Коргон айылы Ж. Парпиев көчөсүндөгү “Эрайым” уюмунун кеңсесине (ориентир Ж.Бөкөнбаев жатак мектеби) же This email address is being protected from spambots. You need JavaScript enabled to view it. электрондук дарегине электрондук таризде 2017-жылдын 10-февраль, саат 17.00гө чейин жиберүү керек.

Сынак өткөрүү орду жана убактысы кошумча билдирилет.

Суроолор үчүн сурап билүү телефондору: Ош дубаны үчүн – 0550190003, 0776190030, Жалал-Абад дубаны үчүн - 0777 722773.